नीमन लागे नीमन लागे
नीमन लागे नीमन लागे
—————————
नीमन लागे नीमन लागे
जगवा नीमन लागेला
मिले गोरिया प्यार तोहरा
जगवा नीमन लागेला
कारे कारे बलवा तोरे
लहरायेला नगनिया
कमरिया कमरबंद आटे
पैरन माँ पैजनिया
चले जबहीं बयार गोरी
झूमर हीले लागेला
मिले गोरिया प्यार तोहरा
जगवा नीमन लागेला
नीमन लागे नीमन लागे
जगवा नीमन लागेला
अमराई मा पड़ेला झुलवा
गेंदा गुलाब चमेली फुलवा
कोयलिया कूक मारे
नाचे मन मयुरिया
गर्जेला बदरवा गोरी
बिजुरी आँख मारेला
मिले गोरिया प्यार तोहरा
जगवा नीमन लागेला
नीमन लागे नीमन लागे
जगवा नीमन लागेला
धानी चुनरिया पाँव पैजनिया
टिकुली माथे कमर कर्धनिया
सीमा अपनी हा खतरे मा
भारत मईया रही पुकार
करा तू हमनी का विदा
भुजा फडकन लागेला
मिले गोरिया प्यार तोहरा
जगवा नीमन लागेला
नीमन लागे नीमन लागे
जगवा नीमन लागेला
प्रदीप कुमार सिंह कुशवाहा
२४-१-२०१३
Read Comments